Татарстанда соңгы тәүлектә 94 кеше короновирус йоктырган

Татарстанда соңгы тәүлектә короновирус йоктыруның 94 яңа очрагы ачыкланган. Яңа вирус йоктырган 36 кеше хастаханәгә озатылган, 58 кеше өйдә дәвалана. 

Авыручыларның төп яшь төркемнәре түбәндәгечә: 18 яшькә кадәр — 3, 18дән 30 яшькә кадәр — 6, 30дан 50 яшькә кадәр — 18, 50дән 60 яшькә кадәр — 19, 60тан 70 яшькә кадәр — 32, 70тән 80 яшькә кадәр — 12, 80нән 90 яшькә кадәр — 4 очрак ачыкланган.

Казанда — 60, Чаллыда һәм Түбән Камада — 6, Яшел Үзәндә — 4, Биектау һәм Саба районнарында — 3шәр, Кама Тамагы, Лениногорск һәм Норлат районнарында — 2шәр, Аксубай, Бөгелмә, Буа, Югары Ослан һәм Яңа Чишмә районнарында берешәр кеше йоктырган.

9 гыйнварга алынган мәгьлүматлар буенча, Татарстанда барлыгы COVID-19 белән авыруның 14 092 очрагы теркәлгән. 

Пандемия башланганнан бирле коронавирус инфекциясе йоктырган 10 903 кеше савыккан, узган тәүлектә — 20 кеше.