Татарстанда соңгы тәүлектә короновирус йоктыруның 46 очрагы теркәлгән 

Короновирус белән авыручы 13 кеше хастаханәгә озатылган, 33 кеше өйдә дәвалана. 
Авыручыларның төп яшь төркемнәре түбәндәгечә: 18дән 30 яшькә кадәр — 6 , 30дан 50 яшькә кадәр — 16, 50дән 60 яшькә кадәр — 6, 60тан 70 яшькә кадәр — 12, 70тән 80 яшькә кадәр — 6 очрак ачыкланган.
Казанда — 28, Яшел Үзәндә — 4, Чаллы, Кама Тамагы, Питрәчтә — икешәр, Әлмәт, Балтач, Бөгелмә, Кайбыч, Кукмара, Саба, Тәтеш, Теләче районнарында берешәр кеше йоктырган.
29 октябрьгә алынган мәгьлүматлар буенча, Татарстанда барлыгы COVID-19 белән авыруның 8328 очрагы теркәлгән. 
Эпидемия башланганнан бирле коронавирус инфекциясе йоктырган 7344 кеше савыккан, узган тәүлектә — 86 кеше.