Татарстанда социаль ипотека буенча 49 фатир уйнатылачак

12 майдан социаль ипотека программасы буенча торак алу өчен яшьләр сәясәте лидерлары арасында конкурска гаризалар кабул ителә башлады. Бу хакта “Татар-информ” мәгълүмат агентлыгы хәбәр итә.

ТР Яшьләр эшләре буенча министрның беренче урынбасары Тимур Сөләйманов сүзләренә караганда, конкурста яшьләр сәясәтен тормышка ашыруда катнашучы 18-30 яшьлек кешеләр катнаша ала. Тагын бер шарт – гаиләнең бер әгъзасына торак хокуклары объектларында гомуми торак мәйданы 18 квадрат метрдан ким булырга тиеш.

Ел саен 49 җиңүче ачыклана. Катнашу өчен гаризаны 2020 елның 31 июленә кадәр тапшырырга мөмкин.