Татарстанда урыны белән кырау төшүе көтелә

Татарстан синоптиклары фаразлавынча, бүген көн азагында, киләсе төндә, шулай ук иртәгә көндез республикада 19 м/с ка кадәр төньяк-көнбатыш җилнең көчәюе көтелә.

Республикада иртәгә көндез алмашынучан болытлы һава булуы көтелә, урыны белән, аеруча көнчыгыш районнарда яңгыр явачак.

Көндез Казанда 10-13, Татарстан буенча 8-13 градус җылы булачак.

3 нче октябрьга каршы төндә аяз була, явым-төшем көтелми.

Төнлә 1 градуска кадәр салкын булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

"Татар-информ" МА