Татарстанлылар 2022 елда төзекләндереләчәк җәмәгать урыннары өчен тавыш бирә

Татарстанда 2022 елда төзекләндереләчәк иҗтимагый киңлекләр һәм ишегаллары өчен тавыш бирү дәвам итә.

Күпчелек тавыш җыйган парклар һәм скверлар «Уңайлы шәһәр мохите формалаштыру» федераль программасы кысаларында төзекләндереләчәк. Тәкъдимнәр проектларны формалаштырганда архитекторлар тарафыннан исәпкә алыначак.

Ишегалды мәйданчыклары өчен тавышлар «Безнең ишегалды» («Наш двор») республика программасын раслаганда исәпкә алыначак. 

Тавыш бирү 30 майда тәмамланачак. Үз тавышыңны ТР дәүләт һәм муниципаль хезмәтләр порталында, «ТР хезмәтләре» кушымтасында һәм кайбер күпфункцияле үзәкләрдә (МФЦ) бирергә мөмкин.