ТР Президенты Казанның сәүдә челтәрләрендә азык-төлек булуны тикшерде

“Татар-информ” хәбәр иткәнчә, Рөстәм Миңнеханов Казанның сәүдә нокталарында булган, киштәләрдә беренче чиратта кирәкле товарлар булуын тикшереп, сатып алучылар белән аралашкан. Республика җитәкчесе Инстаграмда үз битендә видео урнаштырды. “Барысы да бар, килдең дә сатып алдың”, – ди ТР Президенты, тулы киштәләрне карап.

ТР Президенты матбугат хезмәте җитәкчесе Лилия Галимова билгеләп үткәнчә, кичә кич сәүдә челтәрләрендә гражданнар агымының сизелерлек кимүе теркәлгән, продукция җитәрлек күләмдә.

Алабуга шәһәрендә дә азык-төлек белән тәэмин итү проблемасы күзәтелми, продуктларга кытлык юк.