Узган атнада Алабугада юл хәрәкәте кагыйдәләрен бозган өчен, 360 йөртүче административ җаваплылыкка тартылган

Узган атнада юл хәрәкәте кагыйдәләрен бозган өчен, 360 йөртүче административ җаваплылыкка тартылган, шуларның 6сы автотранспорт белән идарә иткәндә аек булмаган. 
Барлыгы 33 юл-транспорт вакыйгасы килеп чыккан.
Бу атнада, 6-12 июльдә Алабуга районында караңгылатылган пыялалы транспорт чаралары белән идарә итүгә бәйле хокук бозуларны кисәтүгә юнәлдерелгән профилактика чаралары узачак.