Яшь алабугалылар балалар өчен ышаныч телефонына мөрәҗәгать итә ала

Үзизоляция режимы вакытында Татарстанда ТР Яшьләр министрлыгы оештырган балалар ышаныч телефоны эшен дәвам итә.

Мөрәҗәгатьләр бердәм Гомумроссия телефоны 8-800-2000-122 буенча тәүлек әйләнәсендә кабул ителә.

Психологик хезмәт булышлыгы белгечләре сүзләре буенча, бу көннәрдә ышаныч телефоннарына балалар һәм үсмерләрнең мөрәҗәгать итү саны якынча 20 процентка арткан.

"Үзоизоляциянең кертелгән режимы – безнең өчен күнегелмәгән шартлар, әмма барыбыз да аның белән килешергә мәҗбүрбез. Күпләр стресс кичерә. Болар барысы да гаилә мөнәсәбәтләрендә дә, үз-үзең белән мөнәсәбәттә дә җитди киеренкелек китереп чыгарырга мөмкин, – ди ТР Яшьләр эше буенча министр Дамир Фәттахов. – Без балаларны һәм үсмерләрне, яшь кешеләрне үз тойгылары, биргәк тә тискәре кичерешләре белән психология өлкәсендәге белгечләр белән бүлешергә  чакырабыз. Ышаныч телефоннарына мөрәҗәгать итегез, бу төр хезмәт бушлай һәм аноним рәвештә”.