Үзәк район хастаханәсендә яңа компьютер томографы урнаштырылды

«Татарстан Республикасында йөрәк-кан тамырлары авырулары белән көрәш» илкүләм проекты кысаларында Алабуга үзәк район хастаханәсендә Anatom 16 HD яңа компьютер томографы урнаштырылды. Урнаштыру эшләре июль аенда башланды.
Бу вакыт эчендә бинаны һәм яңа җиһазларны эксплуатацияләүгә әзерләү буенча зур эш башкарылган.
Рентгенкабинет мөдире — табиб-рентгенолог Азат Ришат улы Галиев билгеләп үткәнчә, аппарат авыруларны диагностикалау өчен яңа мөмкинлекләр ача.
«Ул кеше организмында шешле, җәрәхәтле һәм ялкынсынулы чирләрне төгәл билгеләргә сәләтле», — ди ул.