2022 елга ял көннәре билгеле

РФ Хөкүмәте 2022 елга җитештерү календарен раслады: аерым алганда, Яңа ел яллары 1-9 гыйнварда дәвам итәчәк. Бу хакта РИА Новости хәбәр итә, дип яза «Татар-информ» мәгълүмат агентлыгы.
Китерелгән мәгълүматларга караганда, Яңа ел яллары — 1-9 гыйнварда, май бәйрәмнәре — 30 апрельдән 3 майга кадәр һәм 7-10 майга кадәр дәвам итәчәк. 2021 елның 31 декабрендә шулай ук ял көне булачак. 
1нче һәм 2нче гыйнвар (шимбә һәм якшәмбе) ял көннәре 3 һәм 10нчы майга күчерелә. 5 мартның эшләми торган шимбәсе 7 мартка күчерелгән.