Алабуга районы ТР Президентыннан мәктәп автобусы алды

Федераль ярдәм нигезендә безнең республика 70 яңа мәктәп автобусы алды. Татарстан Президенты Рөстәм Миңнеханов республика муниципаль районнарына аларның ачкычларын тапшырды. Бүләкләнүчеләр арасында Алабуга да бар. Шәһәргә 24 урынлы мәктәп автобусы бирелде. 

Чара ТР Дәүләт Советы каршындагы мәйданда узды. 

Рөстәм Миңнеханов бүгенге көндә мәктәп автобусларыннан башка мөмкин түгеллекне билгеләп үтте. Бүгенге көндә республикада шундый 800гә якын автобус эшли. 
Фото: tatarstan.ru