Алабуга районында янгын чыккан 

8 июнь көнне янгын сүндерү һәм коткару бүлегенең элемтә пультына Яковлево авылында каралты-кура януы турында хәбәр кабул ителә. Тулырак мәгълүматны Алабуга районының күзәтчелек эшчәнлеге бүлегендә хәбәр иттеләр. 

Янгын нәтиҗәсендә ишегалды корылмалары, торак йортның түбәсе янып беткән, шулай ук фатирларның берсенә зыян килгән, икенчесен янгын сүндерүчеләр саклап калган.

Янгынның сәбәбе — ут төртү. Янгын нәтиҗәсендә һәлак булучылар һәм зыян күрүчеләр юк.