Алабуга территориаль иҗтимагый үзидарәләре грантка ия булды

Казанда «Татарстан Республикасында елның иң яхшы территориаль иҗтимагый үзидарәсе» республика конкурсында җиңүчеләрне һәм призерларны бүләкләү булды. Алабуганың 8 ТИҮе иң яхшы дип табылды.

Беренче урынны 2нче «Черемушки» ТИҮ алды, грант суммасы — 665 мең сум. 

Икенче урында 14 нче санлы «Кленовый» ТИҮ һәм 15 нче «Игелек планетасы» территориаль иҗтимагый үзидарәсе, грант суммасы — 500 мең сум.

Өченче урынга 10нчы санлы «Әйләнеч квартал» ТИҮ һәм 13нче «Яңарыш» ТИҮ лаек булды. Алар һәр ТИҮ өчен 430 000 сум акча алды.

Дүртенче урынны 4 нче ТИҮ һәм 11 нче номерлы «Кече юл» ТИҮ (грант суммасы — 298 мең сум.) 

Бишенче урынны 8нче «Яңа гасыр» ТИҮе алды һәм грант суммасы 160 000 сум тәшкил итте.

Авыл җирлекләре арасында 4 нче урынны Танайканың «Полянка» ТИҮ алды (грант суммасы 298 000 сум).