Алабугада яшь рәссамнарның V Халыкара «BASHNYA» иҗат лабораториясе уза

Алабугада 1-10 августта яшь рәссамнарның V Халыкара «BASHNYA» иҗат лабораториясе уза. 

Әлеге проект Татарстан Республикасы Мәдәният министрлыгы, Санкт-Петербургның А. Л.Штиглиц исемендәге дәүләт академиясе ярдәме, Беларусиянең һәм Алабуганың мактаулы консулы Константин Анисимов катнашы белән үткәрелә. 

Лабораториядә илнең һәм чит илләрнең төрле почмакларыннан 17 рәссам катнаша.

10 августта, йомгаклау күргәзмәсендә, быел һәм узган елларда иҗат лабораториясендә оештырылган эшләр тәкъдим ителәчәк.