Алабуганың Covid-госпиталендә 70 пациент дәвалана

Алабуганың коронавирус госпиталендә 70 кеше дәвалана. Авыруны җиңүнең бердәнбер юлы — вакцинация диләр табиблар. Үзәк район хстаханәсе баш табибы Рамил Сәфәров алабугалыларны коронавирустан прививка ясатырга чакырды. Тиешле күләмдә вакцина бар. Бүгенге көндә Алабуга районында коронавирустан 22 528 кеше прививка ясаткан. 

Ул билгеләп үткәнчә, өлкән кешеләргә вакцинация ясау акрын бара. Моннан тыш, вакцинаның беренче компонентын ясаткан кешеләр икенче компонентны ясатырга килми. Ә аннан башка организмда тулы иммунитет барлыкка килмәячәк. Димәк, кеше үзен һәм якыннарын куркыныч астына куя.