Татарстанда ел башыннан полицейскийлар наркоҗинаятьләрне 20 процентка күбрәк ачкан

Татарстанда ел башыннан полицейскийлар наркоҗинаятьләрне 20 процентка күбрәк ачкан. Бу хакта ТР буенча Эчке эшләр министрлыгының Наркотиклар әйләнешен контрольдә тоту буенча идарәсе башлыгы урынбасары Кирилл Жданов хәбәр итте.
Аның әйтүенчә, 2020 елның биш аенда республикада наркотикларга бәйле 2100дән артык җинаять туктатылган. Алар арасында 99 җинаять тикшерелгән, аларның 22се оешкан төркемнәр составында башкарылган.
Моннан тыш, полицейскийлар наркотиклар кулланган өчен — 3 меңнән артык һәм аларны саклаган өчен — 244 административ беркетмә төзегәннәр.