Татарстанда яңадан кыска вакытлы яңгырлар һәм яшен көтелә

Шул ук вакытта һава шартларының тагын начарлануы көтелә, дип хәбәр итә ТР Гидрометеорология үзәге.

Республикада алмашынучан болытлы һава көтелә. Төнлә көчле явым-төшем булырга мөмкин. Көндез төбәк буенча, Казанны да кертеп, кыска вакытлы яңгырлар һәм яшенле яңгырлар көтелә.

Моннан тыш, уртача төньяк һәм төньяк-көнбатыштан исүче җил көндезге сәгатьләрдә 15-20 метрга кадәр көчәячәк, дип билгеләп үтә синоптиклар.
Тәүлекнең караңгы вакытында һава температурасы 7дән алып 12 градуска кадәр җылы булачак. Көндез +21, +26 градус җылы.

Метеорологларның фаразынча, алдагы көннәрдә, 28 һәм 29 июльдә, Татарстанда тотрыксыз, әмма шактый җылы һава торышы саклана.