2023 елда хезмәт хакы өчен минималь түләү күләме 16242 сум итеп билгеләнде

Россия Дәүләт Думасы 2023 елда Хезмәт хакы өчен минималь түләү (МРОТ) күләмен 16242 сум итеп билгеләү турында законны кабул итте.

«2023 елның 1 гыйнварыннан МРОТны аена 16242 сум күләмендә итеп билгеләргә, алдагы елга караганда 6,3 процентка үсеш белән», диелә аңлатма материалларда. Бу турыда РИА Новости яза.

Кабмин билгеләгәнчә, хезмәт хакы өчен минималь түләү эшкә яраклы халыкның яшәү минимумыннан 4 процентка артык була, аның 2021 елдагы медиана хезмәт хакына чагыштырмасы 45,9 процент тәшкил итә, диелә хәбәрдә.