Алабуга нуры

Алабуга педагоглары квалификацияләрен күтәрә

КФУның Алабуга институты педагогларның квалификациясен күтәрү максатыннан районның мәгариф идарәсе белән хезмәттәшлек итә башлады.

Шулай итеп, кышкы каникулларда педагоглар өчен өч көнлек укыту курслары оештырылды. Исегезгә төшерәбез, узган елның декабрендә район башлыгы Рөстәм Нуриев педагогларның квалификациясен күтәрү системасын эшләргә кушты. Алабуга районы мәгариф идарәсе башлыгы Елена Терентьева сүзләренә караганда, КФУ институты белән берлектә юл картасы эшләнгән. Аның нигезендә, кышкы каникулларда 75 педагог белем алган. Алар — математика, рус теле һәм технология укытучылары. Педагоглар билгеләп үткәнчә, укыту файдалы, актуаль булган һәм алган белемнәр аларның эшендә кирәк булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: