Алабуга нуры

Алабуга пенсионерлары югары пенсия алачак

Агымдагы елның 1 гыйнварыннан башлап эшләмәүче пенсионерларның иминият пенсияләре 6,6 процентка индексацияләнгән, бу бер айга уртача мең сумга артуны тәэмин итәчәк.

Шул ук вакытта һәр пенсионерның пенсиягә өстәмә күләме аерым, ул пенсия күләменә карап исәпләнә. Хезмәт тормышы дәвамында алынган пенсия хокуклары (стаж, пенсия коэффициентлары) югарырак булган саен, иминият пенсиясе күләме һәм, димәк, индексациядән соң өстәмә сумма да зуррак.

Нәтиҗәдә, 2020 елда Алабугада эшләмәүче пенсионерларның иминият пенсияләренең уртача күләме 14,4 мең сумга кадәр артачак.

Ике пенсия һәм арттырылган социаль түләүләр ала торган Бөек Ватан сугышы инвалидлары һәм катнашучыларының уртача кереме 41,2 мең һәм 36,9 мең сумга кадәр артачак. Дәүләт тәэминаты буенча пенсияләрне 1 апрельдән 2020 елда пенсионерның яшәү минимумы үсеше нигезендә 7 процентка индексацияләү планлаштырыла.

Шуны билгеләп үтәргә кирәк, артым Алабуга районының 23300 эшләүче һәм эшләмәүче пенсионерына кагылачак.

Нравится
Поделиться:
Реклама
Комментарии (0)
Осталось символов: