Алабуга нуры

Алабуга районы башлыгы Рөстәм Нуриевның чираттагы шәхси сораулар буенча гражданнарны кабул итүе узды

Бу юлы эпидемиологик вәзгыять аркасында ул аудиоформатта булды.

Танайкада яшәүче Виктория Морковкина район башлыгына торак мәсьәләсен хәл итүне сорап мөрәҗәгать итте. Үз вакытында аның гаиләсе «Авыл территорияләрен тотрыклы үстерү» программасында катнашкан, әмма ул 2019 елда тәмамланган. Морковкиннарның төзелеп бетмәгән йортлары калган. Рөстәм Нуриев хатын-кызга район башкарма комитетының торакны исәпкә алу һәм бүлү бүлеге башлыгы Рөстәм Миннебаев белән элемтәгә керергә киңәш итте.
Алабугалы Анна Балобанованы Яшьләр урамындагы 10 йортта капиталь ремонт мәсьәләсе борчый. Бу йортта инженер челтәрләре, чыннан да, ремонтка мохтаҗ булуы ачыкланган, шуңа күрә төзекләндерү эшләре 2027 елдан 2023 елга күчереләчәк.
Кабул итү вакытында барлыгы 14 сорау бирелде, алар яктырту, җәмәгать транспорты, мәдәнияткә кагылышлы иде. Сорауларның барысы да эшкә алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: