Алабуга нуры

Алабуга районы җитәкчесе Рөстәм Нуриев алабугалыларны Ураза бәйрәме белән котлый

Кадерле алабугалылар! Хөрмәтле мөселманнар! Сезне чын күңелдән ураза тәмамлану һәм бөек Ураза бәйрәме белән котлыйм.

Гасырлар дәвамында бу бәйрәм үзе белән иң изге һәм якты башлангычлар алып килә. Ул рухи яңарыш шатлыгын бүләк итә, игелек кылу теләге уята, кешеләрне якынайта, җәмгыятьтә игелек, мәрхәмәтлек һәм үзара хөрмәт идеалларын раслый, ислам диненең мәңгелек рухи хәзинәләре тирәнлеген ача. Бу изге көннәрдә һәр мөселман өчен изге гамәлләр кылу, ярдәмгә мохтаҗ кешеләргә карата кайгыртучанлык һәм мәрхәмәтлелек күрсәтү мәслихәт. Бүгенге катлаулы вәзгыятьтә, коронавирус таралу чорында бу безнең барыбыз өчен дә бик мөһим.

Барлык мөселманнарга, барлык алабугалыларга тынычлык һәм иминлек телим! Ураза бәйрәме якты һәм шатлыклы булсын, күңел тынычлыгы, гаилә җылысы һәм татулык китерсен!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: