Алабуга нуры

Алабуга районы җитәкчесе Рөстәм Нуриев Медицина хезмәткәрләре көне белән белән котлый

Хөрмәтле медицина хезмәткәрләре, тармак ветераннары! Сезне һөнәри бәйрәмегез белән чын күңелдән котлыйм!

Табиб һөнәре тулысынча кешеләргә хезмәт итүгә багышланган. Ул Гиппократ антына тугрылык һәм киң белемнәр генә түгел, ә сизгерлек, сабырлык, күңел ныклыгы һәм мәрхәмәтлелек тә таләп итә. Бу сыйфатларның барысын да без Алабуга табибларында да күрәбез. Күпме җан җылысы, игелеклелек, үз эшегез гаять зур җаваплылык бар сезнең батыр хезмәтегездә! Сез һәрвакыт, вакыт белән дә исәпләшмичә, кешеләргә тормышларының иң авыр мизгелләрендә ярдәмгә киләсез, аларның бүгенгесе һәм киләчәге өчен җаваплылыкны үз өстегезгә аласыз.
Быел безнең медицина хезмәткәрләре җитди сынау уза. Коронавирус инфекциясе пандемиясе гомуми мобилизация таләп итте, һәм безнең табибларга аеруча авырга туры килә. Үзегезнең тормышыгызны куркыныч астына куеп, сез COVID-19 таралуны туктату, авыручыларга вирус белән көрәшергә булышу өчен, бу көрәштән иң аз югалтулар белән чыгу өчен кулдан килгәннең барысын да эшлисез.
Шәфкатьле хезмәтегез, йокысыз төннәрегез, үзегезне аямыйча эшегезгә намуслы хезмәт итүегез һәм антыгызга тугры булуыгыз өчен без сезгә бик рәхмәтле. Бу бәйрәм көнендә сезнең барыгызга да игелекле һәм кирәкле хезмәтегездә уңышлар, хезмәттәшләрегез һәм пациентларның хөрмәтен һәм мәхәббәтен, озын һәм бәхетле гомер, ныклы сәламәтлек, күңел җылысы һәм мәхәббәт телим! Йөрәк җылыгыз сүрелмәсен, пациентларыгызның елмаюлы һәм рәхмәтле йөзләре сезгә бүләк булсын! Бәйрәм белән сезне, Медицина хезмәткәрләре көне белән!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: