Алабуга районы басуларында көзге чәчү эшләре бара
Урып-җыю эшләре төгәлләнеп килә. Урак өстендә басулардагы уңышны барлыгы 70 комбайн урып-җыйды. Бер комбайн уртача 412 гектар җир суктырды.
28 842 гектар җирдән бөртекле һәм кузаклы ашлык суктырылып, барлыгы 40 562 тонна ашлык җыеп алынды. Бу гектарыннан уртача 14,1 центнер ашлык дигән сүз.
Авыл хуҗалыгы идарәсе җитәкчесе Нотфулла Гомәров әйтүенчә, кайбер басуларда көздән чәчеп калдырган ашлыкның уңышы гектарына 25-27 центнерга кадәр булган. Язын чәчкән ашлыкның уңышы түбән - 5 центнердан 11гә кадәр генә, уңыш яңгырлар булмаган күрә ким.
Моннан тыш, 18 мең гектар җирдән азык культурасы җыелып, район буенча барлыгы 18,6 мең тонна азык әзерләнде.
Әлеге хезмәтләр белән беррәттән техник культура һәм яшелчә җыю эшләре башкарыла. Болар - 1900 гектар җирдә рапс, бәрәңге - 230 гектар (140 гектары җыеп алынган, уңыш гектарына 300 центнер чыга), кишер һәм кызыл чөгендер - 40ар гектар. Тиздән арыш, бодай, тритикаль бөртеклеләренең көзге чәчү эшләре тәмамланачак.
11 845 баш мөгезле эре терлек сыешлы терлек биналарын төзекләндерү эшләре төгәлләнеп килә. Терлек өчен таләп ителгән печән 144 процентка күбрәк әзерләнгән. Шулай ук кыш айларына салам һәм сенаж азыклары да җитәрлек күләмдә әзер.
Алия СИРАЕВА
-
19 май 2018 - 12:31Бүген "Игътибар мотоциклист" Бөтенроссия акциясе үтә. "Төнге бүреләр" һәм мотоклуб әгъзалары акция кысаларында автомобиль йөртүчеләргә листовкалар таратты.
-
17 май 2018 - 17:27БАЛАЛАРГА ТАМАША 18 майда Алабуга дәүләт музей-ядкарьлегендә “Музейлар көне – безнең бәйрәм” дип аталган сәхнәләштерелгән тамаша булачак.
-
17 май 2018 - 17:24КУРЧАКЛАР БҮЛӘК ИТКӘН Алабуга музей-ядкарьлеге фонды гадәттән тыш курчаклар тупланмасы белән тулыланды.
-
17 май 2018 - 17:19ЭЧҮЧЕЛЕККӘ КАРШЫ ЮХИДИ хезмәткәрләре исерек хәлдә машина йөртүчене тоткарлаган.
-
17 май 2018 - 17:12ВЕЛОСИПЕДЧЫГА ДА КАГЫЙДӘ БАР Урау юлда “Тойота Королла”ның йөртүчесе 14 яшьлек велосипедчыны таптаткан.
-
15 май 2018 - 15:58ФАТИРЫН ТАЛАГАННАР Пролетар урамында яшәүче 34яшьлек алабугалы хатын-кыз полициягә аянычлы хәбәр җиткергән.
-
15 май 2018 - 15:28ИҢ ЗУР ЧӘК-ЧӘК Татарстанның башкаласында Россия Рекордлар китабына керерлек чәк-чәк әзерләргә ниятлиләр.
-
19 май 2018 - 12:31Бүген "Игътибар мотоциклист" Бөтенроссия акциясе үтә. "Төнге бүреләр" һәм мотоклуб әгъзалары акция кысаларында автомобиль йөртүчеләргә листовкалар таратты.
