Алабуга нуры

Алабуга районының Яковлево һәм Колосовка авылларында быел яңа китапханә төзеләчәк

Алабуга районында ике яңа күп функцияле үзәк төзелә. Авыл халкы өчен бик кирәкле булган китапханәләр дә бу үзәкләрдә урнашачак.

Хәзерге вакытта Татарстан районнарында үз эченә китапханәне дә керткән күп функцияле үзәкләр төзү буенча проект гамәлгә куела. 2014 елда Алабуга районында ике шундый үзәк Яковлево һәм Колосовка авылларында төзеләчәк. Авыл халкы өчен әһәмиятле булган китапханәләр дә шунда урнашыр дип көтелә.

"Авыл китапханәләре" проекты кысаларында яңа һәм инде эшләп килүче китапханәләрне заманча җиһазлар белән тәэмин итү буенча эш алып барыла. Проектның төп максаты - китапханәләрне заман таләпләренә туры китереп, аларның урыннарда социаль-мәдәни һәм мәгълүмати үзәк буларак үсешен тәэмин итү. Алабугада ел саен "Гаилә китабын - китапханәгә бүләккә" һәм "Китапка икенче тормыш бүләк ит" акцияләре уздырыла. Әлеге акцияләр ярдәмендә шәһәр һәм районның китап фонды даими тулыланып бара.

Рәсемдә: Алабуга районы Морт авылында узган елда ачылган күп функцияле үзәктә урнашкан китапханә бүлмәсе.

Алинә НӘБИЕВА

Нравится
Поделиться:
Реклама
Комментарии (0)
  • 23 октябрь 2017 - 14:24
    Защити себя!
  • 29 март 2018 - 11:59
    Кар суына юл ачкан – ташудан качкан
    Чын яз апрель башында көтелә, анда инде сулар агачак. Су басуга кагылышлы фаразларны “эшлекле сишәмбе”дә ТР Гадәттән тыш хәлләр идарәсенең Алабуга районы буенча башлыгы Николай Доронин хәбәр итте.
    98
    0
    0
Ночной режим