Алабуга районында 400 башка исәпләнгән терлекчелек комплексы төзеләчәк

“Якты үзән” хуҗалыгында 400 башка исәпләнгән терлекчелек комплексы төзелешен башларга планлаштыралар.

Узган шимбәдә район җитәкчесе Рөстәм Нуриев, район башкарма комитеты җитәкчесе урынбасары Ленар Нургаянов Яковлево авылында авыл хуҗалыгы предприятиесе җитәкчелеге белән очраштылар. “Авыр вакытлар булуга карамастан, биредә терлекчелек комплексын төзү буенча билгеләнгән планнардан баш тартырга җыенмыйлар. Кәефне төшермәскә кирәк”, – дип ышандырды хуҗалык җитәкчесе Фиргать Сәлахов.

Сүз уңаеннан, киләсе атнада хуҗалыкка яңа тракторлар киләчәк, биредә чәчү эшләре башланачак.