Алабуга нуры

Алабуга районында исерек мотоциклчыны тоткарлаганнар

Хокук бозучының машина йөртү таныклыгы булмаган һәм ул транспорт чарасы белән исерек килеш идарә иткән.

9 майда Алабуга районында исерек мотоциклчы тоткарланган.

“9 майда Котловка авылында хокук сакчылары тарафыннан 36 яшьлек ир-ат тоткарланды. Хокук бозучының машина йөртү таныклыгы булмаган һәм ул ИЖ мотоциклы белән исерек килеш идарә иткән. Транспорт чарасы исәптә тормаган”, – дип хәбәр иттеләр Алабуга районы ЮХИДИ бүлеге матбугат хезмәтендә.

Хәзер ир-ат законның бөтен катгыйлыгы буенча җавап бирәчәк.

Сүз уңаеннан, май аенда Алабуга районында исерек хәлдә 8 машина йөртүчене тоткарлаганнар.

фото: pixabay.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: