Алабуга нуры

Алабуга районында яңа проектлар авыл укытучыларына ярдәм итәчәк

Алабугада белем бирү учреждениеләре Директорлары советы узды.

Совет эшендә район башлыгы Рөстәм Нуриев һәм КФУның Алабуга институты директоры Елена Мерзон катнашты. Биредә Алабуга районы һәм КФУның Алабуга институты арасында педагогик кадрлар әзерләү һәм аларның квалификациясен күтәрү буенча хезмәттәшлек итү турында фикер алыштылар. Киңәшмә башланганчы ук мәктәп директорлары һәм балалар бакчалары мөдирләре "Университет мәктәбе«ндә булдылар, анда алар яңа методикалар һәм инновацион эшләнмәләр белән танышты.

— Директорлар советында КФУның Алабуга институты белән хезмәттәшлек итүнең кызыклы проектлары турында фикер алышынды. Нигездә, педагогларыбызның белем сыйфатын күтәрү турында сөйләштек. Киңәшмәдә яңгыраган проблемаларның берсе — яшь белгечләрне авыл җирлегендә калдыру. Шулай ук бездә чит телләр, химия, биология укытучыларына кытлык бар. Авылда эшләүче күп кенә укытучылар яңадан әзерлек уза, аларга берничә фән укытырга туры килә. Без авыл укучысының да югары квалификацияле мөгаллимдә белем алырга тиешлеген аңларга тиеш. «Мобиль укытучы» проекты тәкъдим ителде, ул авыл мәктәпләрендә дефицит предметлардан белем бирүче укытучыларны автомобиль белән тәэмин итүне күздә тота. Бу мөгаллимгә авылларга барып, үз фәнен берничә мәктәптә укытырга мөмкинлек бирәчәк. Шулай ук КФУның Алабуга институты белән полилингваль белем бирү һәм сәләтле балалар белән эшләү турында фикер алышынды, — дип шәрехләде Мәгариф идарәсе җитәкчесе Елена Терентьева.

Рөстәм Нуриев укытучыларга җир кишәрлекләре бирү фикерен хуплады.
— Әгәр Алабуга белем бирү системасында кадрлар проблемасы бар икән, без моны эшләп бетермибез дигән сүз. Ни өчен без институт белән хезмәттәшлек итмибез, аңлашылмый. Үзара мөнәсәбәтләр төгәл җайга салынырга, гаризалар бер елга алдан барырга тиеш. Бу белем бирү учреждениесе, Мәгариф идарәсе һәм, әлбәттә, безнең институтның һәр директоры һәм укытучысы эшенә бәйле. Бу бик зур ярдәм, — дип өстәде район башлыгы.
Сүз уңаеннан, Директорлар советында тәкъдим ителгән проектлар район җитәкчелеге тарафыннан хупланды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: