Алабуга нуры

Алабуга йортларында янгын турында хәбәр бирүче җайланмаларны урнаштыру дәвам итә

Йортларда (фатирларда) автоном янгын хәбәрчеләре кую – янгыннарда кешеләрне һәлакәттән коткаруның ышанычлы ысулларыннан берсе.

Күзәтчелек эшчәнлеге һәм профилактика эшләре бүлеге хезмәткәрләре социаль якланмаган гражданнар яши торган йортларда янгыннардан саклау өчен автоном янгын чыгуны кисәтүче җайланмалар урнаштыруны дәвам итә.
Әлеге чара Алабуга районы башкарма комитеты хисабына уздырыла. Ул — янгыннарда кешеләрне һәлакәттән коткаруның ышанычлы ысулларыннан берсе. Көнкүрештә янгын куркынычсызлыгын тәэмин итү өчен махсус эшләнгән җайланма бу. Ут чыгуны иң башыннан ачыклап, хәтта каты йокыга киткән кешене дә уятып хәбәр итәрлек шундый җайланма бүлмәгә берәү дә җитә. Аларны һәр йортта булдырырга киңәш итәләр. Янгын чыгуны кисәтүче җайланмаларны урнаштырырга махсус күнекмәләр кирәкми, бәясе дә зур түгел, теләгән һәркем бер кыенлыксыз үзе дә куя ала.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: