Алабуга ЮХИДИ бүлеге электр самокатларында йөрүчеләргә юл кагыйдәләрен искә төшерә

2021 елда электр самокатлары тизлеге, мобильлеге, нәтиҗәлелеге һәм автономлыгы хисабына зур популярлык казанды. Моңа кадәр электр самокатлары хәзерге кебек техник яктан уйланылган түгел иде. Алар ролик тимераяклары кебегрәк кабул ителде, ул вакытта аларның максималь тизлеге 35 км/сәгатьтән артмады. Хәзер аларның тизлеге һаман саен арта бара, иң югары тизлекләре кайбер автомобильләрнең хәрәкәт итү тизлегенә тигезләшә. Шул ук вакытта самокатларның көчлеләре дә, аз егәрлеләре дә бар һәм аларда бары тик велосипедчылар өчен юллар, тротуарлар, шулай ук җәяүлеләр зоналары буенча гына йөрергә мөмкин. Ә юл аркылы чыкканда бары тик җәяүлеләр кичүендә һәм җәяү генә чыгарга була.

Алабуга ЮХИДИ бүлеге инспекторлары искәртә: гамәлдәге РФ Юл хәрәкәте кагыйдәләре электр самокатын транспорт төре буларак карамый, алар электр двигателе булган транспорт чаралары һәм «велосипед», «мопед» һәм «мотоцикл» төшенчәләрен күздә тота.

Электр самокатына машина йөртүче таныклыгы кирәкме?

Самокат аз егәрле булса (250 кВт кимрәк), кирәк түгел.

Самокат мопед булып кабул ителсә кирәк (М категориясе).

Самокат мотоцикл булып кабул ителсә кирәк (А категориясе).

Шул ук вакытта, әгәр сездә теләсә нинди башка категория булса (мәсәлән, В категориясе), сез мопед белән идарә итәргә хокуклы. Бу сездә М категориясе бар дип санала.

Зур егәрле самокатта правасыз йөргән өчен аның хуҗасына штраф каралган. Моннан тыш, кайбер очракларда, мисалга, шлемсыз яки исерек килеш йөргәндә, шулай ук юл-транспорт һәлакәте урынын калдырган өчен дә электр самокаты хуҗасы җавап тотачак.

ЮХИДИ хезмәткәрләре документларны тикшерү өчен электр самокаты йөртүчене, шулай ук исерек яки йөртүче ягыннан юл хәрәкәте кагыйдәләрен бозу билгеләрен ачыклаган очракта, туктатырга хокуклы.

Шуны истә тотарга кирәк, электр самокаты йөртүчесе — юл хәрәкәтенең тулы кыйммәтле катнашучысы, ул үз гамәлләре өчен автомобиль йөртүче кебек үк җавап тота. Шуңа күрә электр самокатларын бәяләп бетермәскә һәм аларны гади аттракцион дип санарга кирәкми.