Алабуга нуры

Алабугада баланы бәрдереп, юл-транспорт һәлакәте урыныннан качкан мотоциклчы табылган

Ул – Юпитер мотоциклы белән идарә иткән 22 яшьлек ир-ат булып чыккан.

14 июльдә көндез Яшьләр урамындагы 12нче санлы йорт янында мотоцикл йөртүче 11 яшьлек кызны бәрдерә. Бала юлны тиешле булмаган урында чыккан.
ЮХИДИ хезмәткәрләре юл-транспорт һәлакәте урыныннан качкан мотоциклчыны эзләп тапкан. 
Алабуга районы ЮХИДИ бүлеге матбугат хезмәте мәгълүматларына караганда, ул — Юпитер мотоциклы белән идарә иткән 22 яшьлек ир-ат булып чыккан. Медицина хезмәткәрләре хәбәр итүенчә, бала баш мие селкенү, ябык баш мие травмасы алган, шулай ук өске өченче балтыр сөягенең ябык сынуы ачыкланган.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: