Алабуга нуры

Алабугада беренче чакырылыш солдатлары хезмәт итәргә китте

25 май иртәсендә хәрби хезмәткә алынучыларны Россия Кораллы Көчләре сафларына беренче озату булды.

Бу атна башында Алабуганың ун егете көндәлек киемнәрен солдат формасына алыштырды.

25 май иртәсендә хәрби хезмәткә алынучыларны Россия Кораллы Көчләре сафларына беренче озату булды. Язгы чакырылыш кампаниясе кысаларында җирле хәрби хезмәткә алынучыларны Татарстан Республикасының хәрби-җыелу пунктына биш озату планлаштырылган, Кораллы Көчләр сафларын 40ка якын алабугалы тулыландырачак.

«Патриот» хәрби-җыелу пунктына беренчеләрдән булып Бехтерево авылында яшәүче Камил Габдрәхимов китте. Егет әйтүенчә, аның өчен армиядә хезмәт итү — эчке эшләр органнарына «баскыч». Ул хезмәт итеп кайткач та полициягә эшкә керергә ниятли.

— Минем өчен хезмәт итү бик мөһим. Хәрби хезмәтнең нинди икәнен эчтән күреп белү кызык. Чакыру комиссиясеннән мине беренчеләрдән булып җибәрүләрен үзем сорадым.

Сүз уңаеннан, Камил, беренче "партия«дәге башка егетләр кебек үк, хәрби бурычын өеннән ерак түгел үтәячәк. Егетләр Татарстанның яки безнең республика белән чиктәш төбәкләрнең хәрби частьләрендә хезмәт итәчәк, дип хәбәр итте Алабуга районы хәрби комиссары Николай Битюков. Билгеләп үтик, быел чакырылыш комиссиясе эше коронавирус керткән төзәтмәләрне исәпкә алып оештырылган.

— Әйтик, комиссариатка керү юлында, коронавирус инфекциясе таралуны булдырмау максатында, хәрби комиссариатка чакырылырга тиешле һәр кеше термометрия аша уза. Тагын бер мәҗбүри таләп — битлек һәм перчаткалар булу. Моннан тыш, чакыру пунктына озатылганчы ике көн кала хәрби хезмәткә чакырылучылар коронавируска мәҗбүри тест тапшырачак. «Патриот» хәрби-җыелу пункты территориясендә алар яңадан коронавируска антитәнчекләр булу-булмауга тикшереләчәк.

Хәзер комиссариат бинасында чакырылыш комиссиясе утырышлары уза. Параллель рәвештә медицина комиссиясе эше дә бара. Язгы чакырылыш кысаларында медкомиссия барлыгы 200дән артык кешене тикшерергә тиеш. Аларның чиреге комплекслы медицина тикшерүе узган инде. Бүгенге көндә 20дән артык егет хәрби хезмәткә яраклы дип табылган.

Киләсе озату 15 июньгә планлаштырыла. Язгы чакырылыш кампаниясе бер айга соңрак — 15 июльдә тәмамланачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: