Алабуга нуры

Алабугада өч ел эчендә спорт объектлары төзекләндереләчәк

Аларга ремонт ясау һәм норматив хәлгә китерү өчен 60 миллион сум акча кирәк.

Безнең шәһәр спорт инфраструктурасына бай, әмма күп кенә объектларда ремонт эшләре таләп ителә, дип билгеләп үтте район башлыгы Рөстәм Нуриев шәһәр планеркасында.

Спорт объектларының торышы турында тулырак «Спорт корылмалары дирекциясе» МАУ директоры Иван Казаков сөйләде. Дирекция составына барлыгы 14 спорт объекты керә. Аларны ремонтлау һәм норматив хәлгә китерү өчен 60 миллион сум акча кирәк. Без ел саен акча кертәчәкбез, өч ел эчендә барлык объектларны тәртипкә китерербез дип уйлыйм, аннан соң яңа инфраструктурага да акча сала башлаячакбыз, дип билгеләп үтте район башлыгы.

Әйтик, 6нчы микрорайонындагы физкультура-сәламәтләндерү комплексы 1980 елда төзелгән. Бинаның искерүе 60 проценттан артык, биредә витражларны, тәрәзәләрне алыштыру, фасадны җылыту зарур. Моннан тыш, биредә инженер челтәрләрен һәм технологик җиһазларны алыштыру да таләп ителә.

− Татарстан Республикасында «20 елдан артык кулланылган спорт объектларын капиталь ремонтлау» программасы гамәлдә. Безнең объект беренче чираттагы финанслау программасына кертелмәгән, чөнки документлар буенча ул 2007 елда файдалануга тапшырылган. Без бинаның 1980 елда төзелгәнлеген исбатлап, хатлар юлладык, әмма бу елга программага керә алмадык, чөнки алдагы объектлар финансланмаган булып калачак, шуңа күрә безне 2022 елга кертергә вәгъдә иттеләр, — дип мөрәҗәгать итте район башлыгына Иван Казаков.

Район башлыгы ассызыклаганча, акчаны янга калдырырга ярдәм итәчәк эшләр быел ук башкарылачак.

− Комплекстагы бассейнның фильтрлары юк, анда ачык циклны ябачакбыз, тәрәзәләрне алыштырачакбыз, бу безгә җылылыкны сакларга ярдәм итәчәк, − диде Рөстәм Нуриев, ул шулай ук бассейнның тирәнлеген 4 метрдан 2 метрга кадәр киметергә кирәк дип өстәде.

Матбугат үзәге белән Боз сарае һәм Җиңел атлетика манежы 2005 елда төзелгән, биредә җылылык челтәрләрен алыштырырга һәм модернизацияләргә кирәк. Бу эшне быел башкару планлаштырыла. Сүз уңаеннан, бу акчаны янга калдырырга ярдәм итәчәк. Эш шунда ки, гамәлдәге җиһазлар һава торышына яраклашмаган, саклап калган акчаларны киләчәктә ремонтлар ясау өчен тотарга мөмкин булачак.
«Бердәм Россия» спорт-сәламәтләндерү комплексының түбәсен алыштырырга кирәк. Көз һәм яз айларында түбәдән су үтә, бу, үз чиратында, даими рәвештә косметик ремонт үткәрү зарурлыгына китерә. Иван Казаков билгеләп үткәнчә, түбәне ремонтлау бу җәйгә планлаштырылган. Шулай ук биредә террорчылыкка каршы таләпләр нигезендә койма урнаштырырга кирәк, шуннан соң объект зур ярышларны кабул итә алачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: