Алабуга нуры

Алабугада дәүләт автоинспекторлары машина йөртүче хатын-кызларны якынлашып килүче 8 Март белән котлады

Акция инде күп еллар уза һәм матур традициягә әверелде.

Бүген ДПС инспекторлары машина йөртүче хатын-кызларны Халыкара хатын-кызлар көне белән котлап, аларга чәчәкләр тапшыру өчен туктаттылар.

Хатын-кызларга шулай ук юл йөрү кагыйдәләрен искә төшерүче буклетлар тапшырылды. Быел акциягә 38нче балалар бакчасында тәрбияләнүчеләр дә кушылды — алар алабугалыларга кәгазьдән үз куллары белән ясалган чәчәкләр бүләк иттеләр.

Гүзәл ханымнар сүзләренчә, алар башта аларны юл хәрәкәте кагыйдәләрен бозган өчен яки документларны тикшерү өчен туктаталар, дип уйлаганнар. Котлау һәм чәчәкләр алар өчен күңелле сюрприз булды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: