Алабуга нуры

Алабугада исерек килеш рульгә утыручыны хөкем иттеләр

Суд тикшеренүе барышында гаепләнүче үз гаебен тулысынча таныган, гамәле өчен үкенүен белдергән.

Алабуга суд районы буенча 4 нче суд участогы җәмәгать судьясы карары белән алабугалы Альберт Шакирҗановны автомобиль белән идарә итү хокукыннан мәхрүм иттеләр.

Юл хәрәкәте иминлеге буенча муниципаль комиссия хәбәр иткәнчә, 3 апрельдә 2.22 сәгатьтә ЮХИДИ хезмәткәрләре руль артында исерек йөртүче булган автомобильне туктаткан. Әлеге ир алкотестер белән урында тест үткәрү нәтиҗәләре белән килешми, шуңа күрә дәүләт автоинспекторлары аны Алабуга үзәк хастаханәсенә медицина тикшерүенә китерә. Белгечләр исереклек фактын раслый.

Утырыш вакытында Альберт Шакирҗанов үз гаебен кире какмады. Судья аны 1,5 елга машина йөртү таныклыгыннан мәхрүм итү турында карар кабул итте һәм 30 мең сум күләмендә административ штраф билгеләде.

Яңалык юл хәрәкәте иминлеге буенча муниципаль комиссия тарафыннан урнаштырылган

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: