Алабуга нуры

Алабугада картлар һәм инвалидлар өчен интернат-йортында шахмат турниры узды

Алабугадагы картлар һәм инвалидларның интернат йортында яшәүчеләр АМР Ветераннар Советы вәкилләре белән шашка һәм шахмат буенча берничә партия уйнады.

Картлар һәм инвалидлар йортының Попечительләр Советы әгъзасы Надежда Мешкованы кебек үк, аларны да күп еллык дуслык бәйли. Интернат ишегалдының уңайлы почмагында, җиләслек биреп торган фонтан янәшәсендәге матур ротонда астында сәламләү сүзләре яңгырады, чарада катнашучылар яраткан җырларын башкарды. Ветераннар Советы рәисе, Алабугада танылган бард шагыйрь Рәхим Гайсин шахмат тарихы турында кыскача сөйләгәннән соң, шахмат-шашка турниры булды.
Уен нәтиҗәләре буенча Рәхим Гайсин беренчелекне яулады, икенче урында — картлар йортында яшәүче Геннадий Щукин, өченчедә — шулай ук Ветераннар Советы вәкиле Михаил Красильников. Хөкемдарлыкны шәһәребезнең танылган шахматчысы, блиц буенча Алабуга чемпионы Игорь Кобелев үз өстенә алды. Теләгән кеше аның белән шахмат яисә шашка уйнады, шахмат теориясе һәм гамәле буенча аннан киңәш алырга, үзенә бер төрле осталык дәресе узарга мөмкин булды.
Биредә тәрбияләнүчеләр дә, Ветераннар Советыннан килүчеләр дә мондый очрашуларның мөһимлеген һәм кирәклеген билгеләп үтте, аеруча, аралашу җитеп бетмәгәндә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: