Алабуга нуры

Алабугада Мәдәни үсеш үзәге төзеләчәк

Ул 4нче микрорайонда Тынычлык проспекты һәм Мәрҗани урамы киселешендә урнашачак. 

Алабугада «Мәдәният» илкүләм проектын гамәлгә ашыру кысаларында Мәдәни үсеш үзәге төзү планлаштырыла. Ул 4 нче микрорайонда Тынычлык проспекты һәм Мәрҗани урамы киселешендә урнашачак. Бу хакта Алабуга районы башлыгы матбугат хезмәтендә хәбәр итәләр.

Мәдәни үсеш үзәгендә касса һәм гардероблар белән вестибюль-фойе, 197 урынга исәпләнгән тамаша залы, 48 урынга исәпләнгән кафе һәм бию-гимнастика залы урнашачак.

Мәдәни үзәк бинасында шулай ук эстетик, сәнгать һәм музыка юнәлешле сәнгать мәктәбе булачак. Үзәк заманча җиһазлар, экраннар, музыкаль инструментлар белән җиһазландырылачак һәм мәдәни җәмәгатьчелек игътибарын җәлеп итү үзәгенә әйләнәчәк.

Россиядә барлыгы 8 мәдәни үзәк төзү планлаштырыла. Татарстанда «Мәдәният» милли проекты кысаларында шундый ике үзәк төзеләчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: