Алабуга нуры

Алабугада Сабантуйга бүләкләр җыю узды

Бәйрәм «Чебурашка» паркында концерт программасы, халык уеннары белән оештырылды. 

Алабугада шимбә көнне Сабантуй өчен бүләкләр җыйдылар. 

Быел ул яңа форматта узды. Бәйрәм «Чебурашка» паркында концерт программасы, халык уеннары белән оештырылды.

 

Озын колгага бүләкләр бәйләделәр. Җыелган бүләкләр халык ярышларында иң актив катнашучыларга бәйрәм көнендә тапшырылачак.
«Бүләкләр җыюда мин инде 11 ел катнашам. Бүген дә мин традицияләргә тугры калдым: яулык бәйләдем. Яулык балаларга да, өлкәннәргә дә кирәк булырга мөмкин », - ди Римма Золотухина.

Сабантуйга теләсә нәрсә бүләк булырга мөмкин: сөлгеләр, яулыклар, тукымалар, канцелярия кирәк-яраклары һәм уенчыклар.

Исегезгә төшерәбез, Сабан туе Алабугада 12 июньдә, 13 июньдә район авылларында узачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: