Алабуга нуры

Алабугада спортчыларны йөртү өчен яңа автобуслар сатып алыначак

Спорт корылмалары дирекциясе автопаркы тулыландырылачак.

Мондый мәгълүматны район башкарма комитеты җитәкчесе Рөстәм Нуриев Россия матбугаты көненә багышланган журналистлар белән очрашуда җиткерде.

– Бу 10 миллион сум күләмендә экономияләнгән бюджет акчалары ярдәмендә мөмкин булды, – дип билгеләп үтте Рөстәм Нуриев.

Исегезгә төшерәбез, быел Алабуга үзендә рәсми ярышларны кабул итәчәк. Моның өчен шәһәрнең төп спорт объектлары (Боз сарае, җиңел атлетика манежы һәм “Бердәм Россия” спорт комплексы) террорчылыкка каршы куркынычсызлык таләпләренә туры килә.

Бүген Алабугада 255 спорт корылмасы бар, шуларның 13е – эре объектлар. Дүрт спорт мәктәбендә 22 спорт төре буенча 2200гә якын яшь спортчы шөгыльләнә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: