Алабуга нуры

Алабугада су бүлү объектларын модернизацияләүгә 500 миллион сумга якын акча юнәлдереләчәк

Барлыгы 12,63 км челтәрне төзекләндерү планлаштырыла. 

2021-2022 елларда Алабугада су бүлү объектларын реконструкцияләү һәм модернизацияләү планлаштырыла. Бу максатларга 500 миллион сум тирәсе акча бүлеп бирелгән. Мондый карар Алабуга муниципаль районы башлыгы Рөстәм Нуриевның Татарстан премьер-министры Алексей Песошин һәм торак-коммуналь хуҗалыкны реформалауга ярдәм Фонды генераль директоры Константин Цицин белән очрашуы нәтиҗәләре буенча кабул ителде.

Бу юнәлештә 8 насос станциясенең канализация челтәрләрен, су белән тәэмин итү системасы биналарын һәм корылмаларын реконструкцияләү һәм модернизацияләү эшләрен башкару планлаштырыла.

Моннан тыш, шәһәрнең үзлектән агучы канализация челтәрләрен түбәндәге урамнар буенча реконструкцияләү планлаштырыла: Беренче Май урамы, Нефтьчеләр пр. (Покровская урамыннан М. Җәлил урамына кадәр), Спас урамы (Б. Покровская урамыннан Казан урамына кадәр), Әйләнеч шоссесы (Нечаев урамыннан алып КНС-5кә кадәр), 30 (Гыйззәт урамыннан Төзүчеләр урамына кадәр), Төзүчеләр урамы, 23 йорт.

Барлыгы 12,63 км челтәрне төзекләндерү планлаштырыла. 

Бу эшләр су сыйфатын яхшыртуга һәм насос станцияләрен модернизацияләү аркасында электр энергиясен куллануны киметүгә, шулай ук челтәрләрдәге аварияләр санын үзлектән агучы һәм каты канализация челтәрләрен реконструкцияләү хисабына киметүгә ярдәм итәчәк. Болар барысы да экономияләнгән акчаларны су белән тәэмин итү челтәрләрен реконструкцияләүгә юнәлдерү мөмкинлеге бирәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: