Алабуга нуры

Алабугада тагын бер Covid-19 белән авыру очрагы ачыкланган

Шулай итеп, Алабугада авыручыларның гомуми саны – 53 кеше.

Татарстан Республикасында коронавирус инфекциясенең 36 яңа очрагы расланган. Бу хакта ТР буенча COVID-19га каршы көрәш штабы хәбәр итә. 14 кеше хастаханәләргә салынган, 22 кеше өйдә дәвалана. 
Авыручыларның төп яшь төркемнәре түбәндәгечә: 18дән 30 яшькә кадәр — 6 очрак, 30дан 50 яшькә кадәр — 11 очрак, 50дән 60 яшькә кадәр — 4 очрак, 60тан 70 яшькә кадәр — 12 очрак, 70тән 80 яшькә кадәр 3 очрак ачыкланган. Казанда — 13, Яр Чаллыда — 9, Питрәчтә 3 кеше коронавирус йоктырган. Югары Ослан, Яшел Үзән, Лениногорск, Нурлат районнарында ике очрак ачыкланган. Буа, Алабуаг, Кама Тамагы, Кукмара, Лаеш, Түбән Кама, Тукай районнарында берәр очрак теркәлгән. 
10 июльгә Татарстанда COVID-19 белән авыруның 4929 очрагы теркәлгән. Эпидемия башланганнан бирле коронавирус расланган 3767 кеше савыккан, соңгы тәүлектә — 33 кеше. 
фото: pixabay.com

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: