Алабуга нуры

Алабугада янгын чыккан фатирда ир-ат гәүдәсе табылган

Янгын сүндерүчеләр махсус битлек ярдәмендә югары фатирдан ике һәм дүрт яшьлек ике баланы саф һавага чыгарган.

Алабугада янгын чыккан фатирда ир-ат гәүдәсе табылган, дип хәбәр итә «Татар-информ» агентлыгы Россия гадәттән тыш хәлләр министрлыгының Баш идарәсе матбугат хезмәтенә сылтама белән. 

Кичә кичке унбердә 101 нче янгын сагы номерына Алабугада Землянухин урамындагы торак йортта янгын турында хәбәр килә. Йортның беренче катында урнашкан фатирларның берсендә карават яна.

Адрес буенча килгән янгын сүндерүчеләр югары фатирдан ике һәм дүрт яшьлек ике баланы коткарган. Сабыйларны махсус битлек ярдәмендә саф һавага чыгаралар. Янган фатирда янгын сүндерүчеләр ир-ат мәете тапкан.

Һәлак булучының шәхесе, шулай ук янгынның сәбәбе билгеләнә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: