Алабуга нуры

Алабугада янгын турында хәбәр итүче 2 мең җиһаз урнаштырылачак

Ел ахырына кадәр, район башлыгы Рөстәм Нуриев тәкъдиме буенча, янгын турында хәбәр бирә торган җайланмаларны 2 мең данә урнаштыру планлаштырылган, моңа муниципаль бюджеттан 600 мең сум акча бүленгән.

Янгын турында хәбәр бирә торган җайланма гомер һәм милекне коткара. Алабугада шундый 2 мең хәбәр иткеч урнаштырылачак.

Ел ахырына кадәр, район башлыгы Рөстәм Нуриев тәкъдиме буенча, янгын турында хәбәр бирә торган җайланмаларны 2 мең данә урнаштыру планлаштырылган, моңа муниципаль бюджеттан 600 мең сум акча бүленгән.

Россия Гадәттән тыш хәлләр министрлыгының Татарстан буенча Баш идарәсенең 15нче янгын сүндерү-коткару бүлегенең 75нче янгын сүндерү-коткару бүлеге башлыгы Евгений Шумилов хәбәр иткәнчә, ел башыннан Алабуга районында 111 янгын булган, аларда 3 кеше һәлак булган. 

Шул ук вакытта, әгәр торак йортны яки фатирны янгын турында хәбәр бирә торган автоном җайланмалар белән җиһазласаң, фаҗигаләрдән котылырга мөмкин.

Аларны беренче төркем инвалидлыгы булган 131 кешегә, 70 ялгыз яшәүче тыл хезмәтчәненә, 3 бала тәрбияләнгән һәм керемнәре яшәү минимумыннан түбән булган 93 гаиләгә урнаштырачаклар.

Ксения Сергеева — күп балалы әни. Аларның фатирына янгын турында хәбәр бирә торган җайланма урнаштырылган.

— Өч балабыз — улыбыз һәм ике кызыбыз бар. Янгын турында хәбәр бирә торган җайланмалар һәр йортта кирәк, бигрәк тә балалар булган җирдә. Безнең өйдә шырпы юк, хәзер электр утыннан файдалану уңайлы. Балаларны да шырпы белән уйнамаска өйрәтәбез. Тик төрле хәлләр булырга мөмкин. Хәтта без, өлкәннәр, үтүкне яки плитәдәге чәйнекне алырга онытабыз. Безгә янгын сүндерүчеләр килер һәм мондый приборлар урнаштырырлар дип көтмәгән идек, әмма без моңа шат, — ди Ксения.

Биш ел дәвамында республика һәм муниципаль бюджет акчалары хисабына Алабуга районында янгын турында хәбәр бирә торган автоном җайланма белән 4 мең 603 торак бина тәэмин ителгән, аларда халыкның социаль якланмаган катламнарына караган затлар яши. 

2016 елдан 2021 елга кадәр булган 75 очракта торак йортларда янгын турында хәбәр бирә торган җайланмалар аркасында 150 кеше, шул исәптән 61 бала мөстәкыйль рәвештә коткарылган. 2021 ел башыннан республикада шундый 18 очрак теркәлгән, 34 кеше коткарылган, шул исәптән 12 бала.
Бүген Бөек Ватан сугышында катнашучылар, дүрт һәм аннан да күбрәк балалы гаиләләр, инвалид балалары булган гаиләләр, социаль куркыныч хәлдә булган гаиләләр янгын турында хәбәр бирә торган җайланмалар белән тулысынча тәэмин ителгән.

Янгын турында хәбәр бирә торган автоном җайланма:
— янгынны ачыклый;
— көчле тавыш сигналы бирә;
— йоклаган кешене уята;
— янгын турында сигналны телефонның программалаштырылган номерына тапшырырга мөмкин;
— түшәмгә урнаштырыла, батарейкадан эшли.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: