Алабуга нуры

Алабугага Экология министры килде

Алабугага эш визиты белән килгән Татарстан Экология һәм табигый байлыклар министры Александр Шадриков чистарту корылмаларын реконструкцияләү белән танышты.

Визит «Экология» илкүләм проекты кысаларында реконструкция үткәрелә торган район чистарту корылмаларыннан башланды. Бүгенге көндә анда үзгәртеп коруның беренче этабы төгәлләнгән, аның кысаларында биологик чистарту резервуарлары торгызылган, юынтыларны, аэрация һәм кире кайтару системаларын механик чистарту өчен кыргычлы системалар монтажланган.
Район чистарту корылмаларын реконструкцияләү «Экология» илкүләм проектының «Иделне савыктыру» федераль проектында катнашу аркасында мөмкин булды. Проектның гомуми бәясе 1,4 миллиард сум тәшкил итте. 2020 елның июнендә район чистарту корылмаларын үзгәртеп коруның беренче этабы төгәлләнде. Икенче этапны 2020 ел ахырына тәмамлау планлаштырыла.
Бу объектны тормышка ашыру әйләнә-тирә мохиткә тискәре йогынтыны киметергә: юынты суларны чистарту дәрәҗәсен Россия Федерациясендә гамәлдә булган барлык санитар һәм табигать саклау нормативларына туры китереп гарантияләргә мөмкинлек бирәчәк.
Өстәмә чистарту корылмаларын төзү һәм файдалануга тапшыру буенча барлык эшләр 2020 ел ахырына тәмамланачак. Алга таба предприятие икенчел производствода чистартылган судан файдалану өчен ультрафильтрация ысулын кулланачак. Яңа чистарту корылмалары тәүлегенә 700 кубометрга кадәр калдыкларны эшкәртергә мөмкинлек бирәчәк.
Исегезгә төшерәбез, 2018 елның язында җирле халыкның «Сария Био-Индастрис Волга» заводы ягыннан килгән начар искә карата шикаятьләре ешайды. Роспотребнадзор идарәсе һава пробаларын сайлап алу һәм лаборатор тикшерү үткәрде. Анализ нәтиҗәләре буенча, һавадагы пычраткыч матдәләр күләме рөхсәт ителгән концентрациядән артмаган. Шулай ук ведомствода ассызыклап үтүләренчә, ис үзе билгеле бер нормаларга салынмый. Шуңа да карамастан, «Сария Био-Индастрис Волга» ҖЧҖ җитәкчелеге завод территориясендә өстәмә чистарту корылмалары төзү турында карар кабул итте. 
«Республикада экология өлкәсендә күп нәрсә эшләнә, президент моңа аерым игътибар бирә», — диде Александр Шадриков.
Аннары министр Алабуга причалында булды, анда ул район җитәкчелеге белән бергә ярларны ныгытуның икенче чиратын төзү перспективалары турында фикер алышты.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: