Алабуга нуры

Алабугалы санаулы минутлар эчендә 47 мең сумнан колак каккан

Хатын-кыз полициягә мөрәҗәгать иткән.

Россия Эчке эшләр министрлыгының Алабуга районы бүлегенә Алабугада яшәүче 48 яшьлек хатын-кыздан банк картасыннан акча урлау факты буенча хәбәр килде. 

Бу факт буенча тикшерү барышында ачыкланганча, зыян күрүченең кесә телефонына үзен банкның куркынычсызлык хезмәте вәкиле дип таныштырган ир шалтырата. Ул мошенниклар хатын-кызның исеменә кредит рәсмиләштерергә омтыла, һәм моны булдырмау өчен яңа кредит рәсмиләштерергә һәм телефонга килгән смс-кодны әйтергә кирәк, дип аңлата. Зыян күрүче әңгәмәдәшенә ышана һәм аның барлык күрсәтмәләрен үти. Соңрак хатын аның банк картасыннан 47 мең сумнан артык акча күчерелүен ачыклый. Алдакчыларның корбаны булуын аңлап, алабугалы ханым полициягә хәбәр итә.
Әлеге факт буенча Россия Эчке эшләр министрлыгының Алабуга районы буенча тикшерү бүлегендә РФ Җинаять кодексының 158 маддәсенең 3 өлеше буенча (урлау) җинаять эше кузгатылды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: