Алабугалыларны «Солдатка хат» исемле проектта катнашырга чакыралар

«Алабуга нуры» һәм «Новая Кама» газеталары редакцияләре «Солдатка хат» исемле проект башлап җибәрде. Яшь укучыларыбызны проектта катнашырга чакырабыз.

Без үзебезнең яшь укучыларыбызга махсус хәрби операциядә катнашучы солдатларга хатлар язарга тәкъдим итәбез.

Килгән хатларның барысын да газеталарыбыз битләрендә бастырачакбыз. Соңрак әлеге саннар «Игелек планетасы» гуманитар ярдәм кабул итү пунктына тапшырылачак, анда аларны безнең көрәшчеләр өчен җыелган посылкаларга салачаклар.

Хатларны редакциягә (Төзүчеләр ур., 16а) алып килергә, new-kama@bk. ru электрон почтасына җибәрергә, ВКонтакте челтәрендә «Алабуга хәбәрләре» яки «Новости Елабуги» төркемендә тәкъдим ителгән яңалыкларда калдырырга мөмкин.