Алабуга нуры

Алабугалыларны татар телендә язылган элмә такталарда хаталарны ачыклау буенча конкурста катнашырга чакыралар 

1 февральдән 1 сентябрьгә кадәр уза торган конкурста Татарстанның дәүләт хезмәтләре порталында теркәлгән һәр кеше катнаша алачак.

Алабугалылар татар телендәге элмә такталарда һәм мәгълүмати табличкаларда хаталарны ачыклауга җәлеп итү конкурсына кушыла ала. 1 февральдән 1 сентябрьгә кадәр уза торган конкурста Татарстанның дәүләт хезмәтләре порталында теркәлгән һәр кеше катнаша алачак. 

Дәүләт хезмәтләре порталында «Халык контроле» бүлегендә «Исем һәм язулардагы хаталар» категориясе бар. Хаталары булган элмә тактаны тулаем фотога төшереп шул бүлектә җибәрергә була. 

Җитешсезлекләр мәгълүмат табличкаларында, топографик билгеләмәләрдә, юл күрсәткечләрендә яки торак йортларның аншлагларында исәпкә алынырга мөмкин.

Җиңүче дип хаталар турында иң күп хәбәр җибәрүче билгеләнәчәк. Оештыручылар 10 җиңүчене ачыклый.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: