Алабуга нуры

Бакчачылык җәмгыятьләренә өстәмә автобус рейслары

1 июньнән «Ленин мәйданы - «Дружба» бакчачылык җәмгыяте - «Яз» бакчачылык җәмгыяте - "Нефтьче" бакчачылык җәмгыяте» исемле вакытлы (сезонлы) 12 нче автобус маршруты расписаниесенә үзгәрешләр кертелде.

Эш көннәрендә тагын бер рейс өстәлә: Ленин мәйданыннан автобус 19.00 сәгатьтә, ә "Нефтьче" бакчачылык җәмгыятеннән 19 сәгать 20 минутта китә.

Исегезгә төшерәбез: 1 майда бакча сезоны ачылу белән бәйле рәвештә бакчачылык җәмгыятьләренә өстәмә 12 нче маршрут автобусы йөри башлады. Әлеге рейс белән алабугалылар 1 октябрьгә кадәр йөри алачак. Маршрут буенча йөрү бәясе 10 сум. Бакчага бердәм социаль юл йөрү билеты буенча да барып җитеп булачак. 1 июньнән автобус эш, ял һәм бәйрәм көннәрендә 5 рейс ясаячак.

Эш көннәрендә автобус Ленин мәйданыннан 8.00, 12.00, 15.00, 17.00 һәм 19.00 сәгатьләрдә китә.

"Нефтьче" бакчачылык җәмгыятеннән автобус 8.20, 12.20, 15.20, 17.20 һәм 19.20 сәгатьтә юлга кузгала.

Ял һәм бәйрәм көннәрендә Ленин мәйданыннан автобус сәгать 7.00, 8.00, 12.00, 17.00 һәм 19.00дә китә.

"Нефтьче" бакчачылык җәмгыятеннән ул 7.20, 8.20, 12.20, 17.20 һәм 19.20 сәгатьләрдә китә.

Нравится
Поделиться:
Реклама
Комментарии (0)
  • 23 октябрь 2017 - 14:24
    Защити себя!
  • 29 март 2018 - 11:59
    Кар суына юл ачкан – ташудан качкан
    Чын яз апрель башында көтелә, анда инде сулар агачак. Су басуга кагылышлы фаразларны “эшлекле сишәмбе”дә ТР Гадәттән тыш хәлләр идарәсенең Алабуга районы буенча башлыгы Николай Доронин хәбәр итте.
    97
    0
    0
Ночной режим