Алабуга нуры

Бергәләп бәйрәм иттек

4 ноябрьдә политехника колледжы укучылары өлкәннәр өчен концерт куйды.

Студентлар үз чыгышларында илебездә яшәүче халыкларның иҗатын мөмкин кадәр киңрәк яктыртырга омтылды. Барыннан да бигрәк, "Десант" дип аталган бию күңелләргә хуш килде. Анда халкыбызның батырлыгы, көче чагыла иде. Ачык төстәге төрледән-төрле костюмнар күзләрне иркәләде. Өлкәннәр студентлар чыгышыннан бик канәгать калды.

Бәйрәмнең икенче этабында өлкәннәр һәм инвалидлар интернат-йортында яшәүчеләр өчен шахмат-шашка турниры оештырылды. Өлкәннәр үзләренең шахмат-шашка уенына маһир булулары белән яшьләрне шаккатырды. Очрашу ахырында студентлар интернатта яшәүчеләргә үз куллары белән пешерелгән төрле тәм-томнар бүләк итте.

Теги: 250
Нравится
Поделиться:
Реклама
Комментарии (0)
Осталось символов: