Алабуга нуры

Бүген Халыкара студентлар көне билгеләп үтелә

Ул дөньяның күп кенә илләрендә бәйрәм ителә, бу көнне билгеләп үтү программасы һәркайда төрлечә.

Халыкара студентлар көне 1946 елның 17 ноябрендә Прагада узган Бөтендөнья студентлар конгрессында Чехиянең патриот студентлары хөрмәтенә билгеләнгән.

1939 елның 28 октябрендә фашистлар тарафыннан басып алынган Чехословакиядә Прага студентлары һәм мөгаллимнәре, Чехословакия дәүләте барлыкка килү көнен (1918 елның 28 октябре) билгеләп үтү өчен, демонстрациягә чыга. Илбасарлар бүлекчәләре демонстрацияне куып тараткан вакытта медицина факультеты студенты Ян Оплетал атып үтерелә.

Ян Оплеталны күмү 1939 елның 15 ноябрендә янә каршылык акциясенә этәрә. Демонстрациядә катнашкан дистәләгән кеше кулга алына. 17 ноябрьдә гестапочылар һәм эсэсчылар иртүк студентлар тулай торакларын чолгап ала. 1,2 меңнән артык студент кулга алына һәм Заксенхаузендагы концлагерьга ябыла. Студентлар хәрәкәтенең 9 студент һәм активистын Праганың Рузина районында төрмәдә судсыз җәзалап үтерәләр. Гитлер әмере буенча, Чехиянең барлык югары уку йортлары сугыш тәмамланганчы ябыла.

Шушы вакыйгалар хөрмәтенә Бөтендөнья студентлар конгрессында Халыкара студентлар көне билгеләнә. Бүген ул дөньяның күп кенә илләрендә билгеләп үтелә, гәрчә бәйрәм итү программасы аерыла, әмма ул студент яшьләрдә бик популяр.

"Татар-информ" МА

Нравится
Поделиться:
Реклама
Комментарии (0)
  • 23 октября 2017 в 14:24
    Защити себя!
  • 14 декабря 2017 в 10:33
    Кыш көне кошларны ашатыйк! Күптән түгел “Түбән Кама” милли паркы “Кыш көне кошларны ашатыйк – 2017” табигатьне саклау акциясе уңаеннан, “Иң яхшы җимлек” региональ конкурсын үткәрде.
    11
    0
    0
  • 15 декабря 2017 в 13:34
    Иркә: “Табиблар сәхнәгә чыкмаска кушты” Танылган скрипкачы Иркә Гайнемөхәммәтова икенче тапкыр әни булырга җыена. Аның белән күптән түгел Илсөя Бәдретдинова концертында күрешкән идек, аннан соң тагын бер концертта юлларыбыз кисеште. Иркә белән шәхси тормышы һәм иҗаты турында сөйләшеп алдык.
    9
    0
    0
  • 15 декабря 2017 в 14:17
    Элвин Грейның апасы Регина: «Мин энемне жәллим» - "Шәһри Казан" газетасы Elvin Grey ике милли башкалада стадионнар тутырып концерт куйды. Мондый зур масштаблы концерт куярга эстрадада әле берсенең дә кыюлыгы җитмәгән иде.
    9
    0
    0